طريقة الاستفادة من بواقى الصابون

مش حرررررام لما نرمى بواقى الصابون ها 😡 حرام ولا مش حرام ردي عليا فى الاسعار النااار😢 اللى احنا فيها دلوقتى شايفاكي😮 ياللي بتقولي طب احنا نعمل بها ايه لا يا اختي تعالي وانا اقولك تعملي بيها ايه بالظبط😉 ايوه ايوه و انتي اللي جمبها تعالى انتى كمان الكل يجمع هنا بسرعه ع😊 ادعولى دعوه حلوه وانا اعرفك ازى نسفيد منها من جديد وتكون صحيه على البشره احسن من الاول😉 👇👇👇👇👇👇👇👇👇👇 بشوف ناس كتير للأسف بترمي بواقي الصابون فيها ايه لو نجمعها في علبة ونعيد تصنيعها تاني ونحولها لصابونه شكلها جميل وريحتها حلوه ،،،، - مهما كانت ظروفنا المادية كويسه لازم ربنا حيسألنا عن كل كبيرة وصغيرة وحيحاسبنا عن اهدار النعم. - حتى لو مش فارقه معاكي البروه الصغيره دي من الصابونه ، فيه غيرك محتاجها ، حوليها لصابونه شكلها جميل واديها هديه لحد محتاجها الطريقة بسيطة جدا :- - نجمع بروه الصابون الصغيرة. - نحطهم في شوية ماء دافئ صغيرين لمدة يوم - نرفعهم على نار هاديه في حله تيفال (ومتخافيش الحله مش حيحصل لها حاجه ابدا) - نقلب باستمرار لما الصابون يسيح خالص - نضيف ملعقة زيت زيتون عشان جمال بشرتنا ونعومتها 😆 - طبعا الصابون كان الوان مختلفه فبيطلع لونه ملخبط ، انا ضفت له نقطة من لون غذائي. - نصبه في قوالب سيليكون ، ولازم سيليكون مينفعش حاجه تانيه ، لو مفيش عندك حطيه في صينيه تيفال او صينيه عاديه بس افرشي فيها ورق زبده الاول. - نحط قوالب السيليكون في الفريزر ربع ساعه - نخرجهم من القوالب ، حتطلع احلى صابونه وريحتها جميله وشكلها تحفه. - لو حطيتيه في صينية 6 قطعيه بسكين
#الصابون#حاجات مفيدة#وصفات طبيعية#اخترع