من ابشع ما جرى فى التاريخ

حادث الفيلة المحزن

اللي بيحصل فالبشرية مش من شوية والله

بُص الإنسان أحيانًـا ممكن يوصل بيـه الجنون والأذى لدرجات غريبة، والي حصل ده يُعتبر من أبشع ما جرى في التاريخ.. 

مجموعه من المُزارعين الهنود على سبيل التسلية قرروا في تـصرُف مُنحرف إنهم يجيبوا أناناسة ويحشوها بالمُتفجرات ويحطوها قدام أنثى فيل حامل.. 

هي كانت جـعانة ويمكن طفلها كان جعان كمان، وعينيها جت على الأناناسة دي، فمشيت ناحيتها، وأكـلتها.. 

المُتفجرات انفجرت جـُواها ولكَ أن تتخيل إيه الي الحيوان ده حـسّ بيه وقتها..؟ 

الإنسان حيوان مُفكر ربنا أنعم عليـه بالعقل والتفكير، والي بيفضلنا عن باقي الحيوانات وهنا استخدم هؤلاء نعمة ربنا وتفضـيله لينا عن سائر مـخلوقات الأرض في الأذى.. 

الإنفجار أدى لتشوهات باللسان واللسان والفك وحروق في كامل الجسم وطبعـًا نزيف حاد بأكتـر من مكان.. 

ده غير طبعـًا موت الجنين جواها.. 

فقعدت في مكانها تتألم ومستنية أي مُساعدة، أي طبيب ينقذها، مفيش حد، لمدة أيام فصلت في مكانها مفيش حد بيـقرب منها.. 

وبعد ما انتهى من جواها الأمل في المُساعدة والانقاذ قررت إنها تقوم بآخر خطواتها وبكل ثقلها شالت جسمها كله ومشيت بصعوبة لحد النهـر القريب وفضلت تشرب مياه كآخر شيء يساعدها على الحياة.. 

في النهاية.. 

ماتت في النهر مُتأثرة بجراحها ووجعها وجوعها وأذى الإنسان!. 

في النهاية الموضوع قالب الدنيا من إمبارح بسبب الفيلة الي ماتت بدافع تسلية بعض الأشخاص المرضى الي ميستحقوش لقب إنسان.. 

وحتى كلمـة حيوان هي شرف لا يستحقونه إذا ما كان الحيوان قد تمتع بأخلاق أسمّى منهم.. 

"ألم يعلم بأن الله يري"!!

#فيل_الهند_حقوق الحيوان،عذاب الفيلة،المتفجرات،مخلوقات الله،المزارعين الهنود،المزارعين فى الهند،حق الفيلة،جنين الفيلة،تشوهات الحيوان