طريقة حلوة تقدري توفرى فيها فى بيتك
بصوا انا هقولكوا علي طريقه حلو تقدري توفري فيها جامد جدا بس لو استفادتي من البوست تدعيلي دعوة حلوة من قلبك
اولا الكهرباء 🤕خلي نور الشقه كله مطفي اليوم كله افتحي الشبابيك ولما يجي الليل شغلي نور اوضه واحده من اللي انتي قاعده فيهم ريحي الاجهزه ٣ ساعات في اليوم وشيلي الفيش الشفاط وقت الاكل بس السخان وقت الاستحمام بس
تاني حاجه الغاز😥
أما تيجي تعملي اكل اعملي اكل يقضي يومين وغطي الحلل كويس عشان الاكل يستوي ويغلي بسرعه وكلوا وهو سخن ع طول عشان ماتضطريش تسخني تاني وتستهلكي غاز تاني
تالت حاجه الاكل😋
اعملي اكل يقضي يومين كمان مش كل يوم لحوم خلي اللحوم مرتين في الاسبوع باقي الاسبوع اعملي اكل صحي لكن اقتصادي رز بعدس وبيض كشري مسقعه جلاش بالجبنه شاورمه اي حاجه كده
واعملي كل حاجتك وحلوياتك ومعجناتك ف البيت متشتريش اي حاجه من بره اوفر واضمن لو مبتعرفيش معاكي اليوتيوب ربنا يخليهولنا اتفرجي واتعلمي هنعيش طول العمر نتعلم مش عيب
جيبي الاوطه الطريه اضربيها واعمليها عصير طماطم وفرزيها بتبقا رخيصه كمان لو جبتي كميه هاتي البصل والبطاطس والحاجات اللي سعرها معقول مش لازم اغلي حاجه وبرضه جيبى الخضار وجففي فى الفريزر
خامس حاجه الفواكهه🙈🍉🍎🍒
هاتي الفاكهه اللي بتتخزن في أواخر موسمها بتبقي برخص التراب هاتي المانجه طريه حبه واعمليها عصير وفرزيهاوالجوافه والبرتقال عصير وفرزي
هاتي مثلا مرتين ف الشهر فواكهه للأكل بطيخ عنب تين اي نوع يقعد معاكي كام يوم ف التلاجه
سادس حاجه المايه😥 متفضليش ع الفاضي والمليان مشغله المايه استعمليها وقت الحاجه بس وتكون وسط مش فالتاها ع الآخر هتوفري وهتاخدي ثواب كمان الاسراف ف المايه حرام
نيجي لسابع حاجه التموين🤓
انتي ممكن في شهر تجيبي سكر وزيت بس وتخليهم يقضوا معاكي شهرين وتاني شهر تجيبي مكرونات جبنه تونه اريال ايا كان
هتحافظي ازاي بقا متدلقيش ازازه الزيت وانتي بتقلي حطي ع القد واللي يتبقي شليه حمري فيه تاني
السكر حطي براحه وبلاش حلويات كتير
نيجي للأريال بصي اوفرلك تجيبي اريال ال٩ كيلو ب٢٢٠ ممكن تقعديها ٤شهور متوسخيش هدوم ع الفاضي والمليان البسي كل يومين حاجه نضيفه قعديها نضيفه عليكي يومين انتي وأولادك وجوزك ولما تروقي خلي حاجه واحده قديمه للترويق وبعد ما تخلصى علقيها لليوم اللى بعده بكده هتكوني حافظتي علي الهدوم من الهلك وعلي الكهربا وع الغساله وع الاريال وع المايه شوفتي اد اي وبالنسبة للاسماك جيبى سمك بحر ونضفيه وحطيه فى الثلاجة متبل وجاهز على القلى جيبى كيلو مثلا واقسميه على اتنين وظبطى رز وسلاطة وغنوج وبالف هنا هريحك لو فى عندك شغل
😍😘
رايحه فين ياست الكل ادعيلى دعوة حلوة زيك
ليست هناك تعليقات:
إرسال تعليق