معلومات مهمة للاطفال حديث الولادة

  معلومات مهمة للاطفال حديث الولادة

اسئله كتير من الامهات خايفه علي اطفالها جمعتها علشان كل ام تطمن

بوست مهم جدا  جدا من واقع العياده

علامات لـ"حديثى الولادة" متقلقيش منها:

١•لون الاطراف أزرق😱 

اهتمي بتدفئه الطفل واطرافه فقط

٢•جلده بيقشر

وده طبيعي وبيروح مع الوقت

👍

٣•شعر الجسم كثيف

وده بيروح لوحده بردوه👍

٤•راسه طريه من فوق 

وده طبيعي وبتنشف مع الوقت وفتحه راسه بتقفل علي سنه لسنه ونص👌

٥•حبوب الوجه 

وده بسبب هرومانات بيكتسبها من الام اثناء فتره الحمل وده بردوه بيروح لوحده بدون اي علاج نهتم فقط بحموم الطفل ونظافته

👌👌

٦•خنفره الانف اثناء التنفس والرضاعه

طبيعي فاول شهور للطفل وعلاجها مجرد تنظيفها بمحلول ملح زي 😤otrivin baby saline

٧•صدر الطفل مورم

وده طبيعي بسبب ايضا الهرومانات ممنوع منعا باتا تعصير صدر الطفل ويروح لوحده🤔

٨•الطفل بيتحزء ولونه بيتغير

ده طبيعي مش معناه انه عنده مغص او تعبان

🤐

٩•الطفل بيتنفض مع اي صوت وبيتخض 

ده معناه انه طبيعي وجهازه العصبي طبيعي

وده ريفليكس احنا بنختبره للاطمئان علي الطفل اسمه 🤫moro reflex

١٠•الطفل رجله او ايده بتترعش

بتروح مع اكتمال نمو الجهاز العصبي للطفل ونطمن فقط من نسبه الكالسيوم في الدم وبندي فيتامين د من اول يوم ولاده ٤ نقط يوميا ( vi drop)

١١•دم فالحفاضه😱

احيانا بسبب الهرومانات ايضا او بلع دم من جروح في صدر مامته اثناء الرضاعه

١٢•فتاء فالسره😱

وده غالبا بيروح مع الوقت مع اول سنه لما تقوي عضلات بطنه وبنتابع فقط الطفل ولا داعي لحزام السره

١٣• الترجيع والقشط المستمر

🤮بنتابع حاله الطفل ووزنه لو بيزيد وكويس بيبقي شويه ارتجاع طبيعي وبيروح مع اكتمال نمو الجهاز الهضمي للطفل عند ٦ شهور او سنه بالكتير

١٤• المغص والانتفاخات😬

طبيعي فاول شهور للطفل نهتم بالرضاعه وتكريع الطفل في منتصف الرضاعه وبعد الانتهاء من الرضاعه

١٥•بياض لسان الطفل

بيكون غالبا بسبب طبقه اللبن من الرضاعه مش كل بياض بيبقي فطريات ونهتم بتنظيف اللسان برفق بعد الرضاعه

١٦• براز الطفل سايب اخضر او اصفر

كميته طبعيه عمل مره كل ٣ ايام او ٥ ٦ مرات في اليوم كل ده طبيعي مش امساك ولا إسهال 

♥️♥️♥️♥️♥️♥️♥️♥️♥️♥️