ام تدهس ابنتها بالسيارة لرفضها ارتداء الحجاب
فتاة الاسماعيليه رنيم عادل هي ووالدتها صادقين على فكره ماحدش فيهم كذاب، لكن البنت والأم غلطانين، البنت بتسرعها وتعاملها الغلط من البدايه مع شخصية والدتها اللي كانت تقدر تضحك عليها بكلمتين وتعمل اللي هي عاوزاه من غير ماتحطها قدام أمر واقع أو تخليها تتعصب واعتقادها إن السوشيال ميديا هتساعدها ماتعرفش إنها بتقدم نفسها فريسه لكل من هب ودب، والأم غلطانه وغلطها أكبر بقلة وعيها وعملها بالجمله السخيفة "اكسر للبنت ضلع" على أساس إنها هتتريى كدا، لكن اللي مايعرفوش كتير من الأهالي إن التربية بتكون لحد سن عشر سنين، هتزرعوا فيهم الحب هتلاقوا الحب، هتزرعوا التجاهل والكراهية مش هتلاقوا منهم غيرها لما تكبروا، بعد كدا بيدخل الطفل في مرحلة المراهقة وكل اللي يقدر يعمله الاهل إنهم يراقبوا من بعيد ومايتدخلوش إلا في بعض الحاجات، لأن أي تدخل بيعتبره المراهق تعدي على حريته وهياخد دا بعند رهيب وعمر الضرب ما هيقوم سلوكه بل هيزيده نفور وبعد عنك، وزي ما في حاجه اسمها بر الوالدين في حاجه اسمها بر الأبناء، والبنت لما مش بتلاقي الحضن والدفا في البيت بتدور عليه برا وفي الغالب بتقع مع الأشخاص الغلط اللي بيستغلوها وبيإذوها.
معلومات عن فتاة الإسماعيلية:
- تبلغ من العمر 19 عاما، وهي طالبة في الثانوية العامة.
- انفصل والداها وعمرها عام ونصف العام فقط.
- والدها طبيب يعمل في السعودية، تزوج بعد أمها ولديه ولد.
- رفض والدها أخذها حينما طلبت منه، وظلت منتظراه 8 سنوات دون جدوى.
- لجأت رنيم وائل لجدتها بعدما كسرت لها والدتها قدميها، لكنها رفضت استقبالها، ونفت صلة القرابة بينهما.
- رفعت فتاة الإسماعيلية، قضية نفقة على والدها، وحكم لها بمبلغ 2000 جنيها شهريا.
- في كل مرة تتواصل رنيم وائل مع والدها يرفضها تماما، لدرجة أنه قرر عمل «بلوك» لها على جميع مواقع التواصل الاجتماعي.
