الاب يشعل النار فى المنزل ويقتل زوجته وابنته محروقين
#مأساة_اسره_كامله
مش فاهمه في ايه وايه الأيام الغريبه دي ....و نتكلم علي ايه ولا ايه
ونتكلم ونقول ايه بعد الكارثه اللى حصلت وكل يوم نفس الكارثه وغيره وغيره
اب معندوش ضمير ولا اخلاق ولا رحمه
واخواته نفس الكلام فضلو يسخنو فيه علشان يتجوز ويطلق مراته ويرمى عياله ف الشارع
وعمره ماصرف ع بيته ولا شال همهم
الام كانت قايمه بكل حاجه
مصاريف وراحة ولادها
كانت بتصحى الفجر تجيب شوية خضار وفاكهه تبيعهم قدام بيتها وتتعب وتشقى بالحلال وهو كان يسرق فلوسها وفلوس البنات علشان يصرفها على كيفه ..والام قدرت تجوز بنتها وكانت بتجهز ف التانيه بدون تدخل الاب تماما.
طلب منهم يخرجوا من الشقه وقالهم هتجوز فيها !! طيب هترمى بناتك ومراتك وابنك ف الشارع !! قال ايوه معنديش مشكله
اهل الست اجتمعو بيه وقالوله خد ٥٠ الف من عندنا وشوفلك شقه قانون قديم او شوف اى مكان تانى وطلق مراتك قال ماشى موافق
وف نفس اليوم بالليل
اشترى جردلين بنزين كبير ودخل ولع ف البيت كله (مراته وبناته وابنه )
بنته الكبيره ماتت ف نفس اليوم
الام بعدها ب٣ ايام
البنت الصغيره ماتت امبارح
والولد عنده حروق وتعبان ومبقاش ليه حد ف الدنيه بعد امه واخواته اللي ماتوا
قصص كتير من دى للاسف يوميا يتحصل
لكن انت كراجل تولع ف بناتك وبيتك ليه ؟؟؟ معندكش قلب ولا رحمه ؟ ضيعت اسره كامله
لازم نجيب حقهم علشان يكون عبره هو واخواته وكل واحد سبب ان يعمل كده ف اهله
ياناس ايه اللي جري في الدنيا بقينا عايشين في غابه
لاحول ولاقوه الا بالله العلي العظيم
