تحذيرات مهمة
مش عايزة اخوفكو بس انا متابعه جيدة للاخبار الجوية من زمان وعمري ما شفت تحذيرات كده لدرجة ان ناس بتفهم في الطقس قالو ان اللي حصل في شهر اكتوبر اللي فات مايجيش تلت اللي هيحصل الايام الجايه
فارجوووكم محدش يستهون
وعشان ماطولش عليكم ونتوه في الكلام ايه المطلوب يعني
احنا عندنا ٣ حاجات لازم نحذر منها
- رياح شديدة ممكن توقع اي حاجه لدرجه انهم محذرين الناس اللي بتبني انهم ينزلو السقلات
- تراب شديد هيتعب مرضي الحساسية
- مطر كتييير لدرجة ممكن يوقف حركة الشوارع
طب نأمن ازاي بقا من الحاجات دى
اولااا يا ريت ماتخرجوش اصلا والكلام ده مفيش فيه نقاش بالنسبة للولاد بس الكبار لو مضطرين تخرجو ناخد بالنا كويس
* بالنسبة للرياح فضو البلكونات من اي حاجه ممكن تبقا فيها وتطير ، لو هنخرج مانوقفش تحت يافطة ولا بلكونة قديمة ولا شجر ولا عواميد
* بالنسبة للتراب مرضي الحساسية مايخرجوووش ونحط قماش مبلول تحت الشبابيك عشان نقلل الاتربة اللي هتدخل البيوت ، بخاخه مايه ورشي عالستاير كل شويه عشان التراب مايعديش منها ، ونرش بالبخاخه كل شويه جوا الاوض عشان نقط المايه تاخد التراب اللي متعلق في الجو تنزله في الارض
* بالنسبة للمطر اللي عتبة بابه اقل من مستوى الارض لاااازم يرفعها او يحط حاجز مايقلش عن ٣٠ سم ، اتاكدو ان بلاعات السطح والمداخل والمزاريب سالكه
نصايح عامة بقا
اشترو كل طلباتكو النهارده انها تكفيكو ٣ ايام عشان لو اضطريتو ماتخرجوش اشترو عيش بزيادة، لوازم فطار وغدا، خضار ، اي ادوية ممكن تحتاجوها
اشحنو الكشافات وخلي عندكو شمع احتياطي
املو مايه عشان لو الكهربا قطعت المايه مش هتطلع الادوار العليا
يا ريت تلزقو مشمع وتدبسوه بدبابيس مكتب كمان علي الشيش من بره عشان نقلل كمية التراب اللي هتدخل البيت
♡♡ وحاجه تانية لوجه الله يا ريت وانتو النهارده بتشترو حاجتكو لو لقيتو بياعين غلابه في الشارع او المحلات عرفوهم عشان يعملو حسابهم ممكن مايبقاش عندهم فكرة
ارفعو ا
مش عايزة اخوفكو بس انا متابعه جيدة للاخبار الجوية من زمان وعمري ما شفت تحذيرات كده لدرجة ان ناس بتفهم في الطقس قالو ان اللي حصل في شهر اكتوبر اللي فات مايجيش تلت اللي هيحصل الايام الجايه
فارجوووكم محدش يستهون
وعشان ماطولش عليكم ونتوه في الكلام ايه المطلوب يعني
احنا عندنا ٣ حاجات لازم نحذر منها
- رياح شديدة ممكن توقع اي حاجه لدرجه انهم محذرين الناس اللي بتبني انهم ينزلو السقلات
- تراب شديد هيتعب مرضي الحساسية
- مطر كتييير لدرجة ممكن يوقف حركة الشوارع
طب نأمن ازاي بقا من الحاجات دى
اولااا يا ريت ماتخرجوش اصلا والكلام ده مفيش فيه نقاش بالنسبة للولاد بس الكبار لو مضطرين تخرجو ناخد بالنا كويس
* بالنسبة للرياح فضو البلكونات من اي حاجه ممكن تبقا فيها وتطير ، لو هنخرج مانوقفش تحت يافطة ولا بلكونة قديمة ولا شجر ولا عواميد
* بالنسبة للتراب مرضي الحساسية مايخرجوووش ونحط قماش مبلول تحت الشبابيك عشان نقلل الاتربة اللي هتدخل البيوت ، بخاخه مايه ورشي عالستاير كل شويه عشان التراب مايعديش منها ، ونرش بالبخاخه كل شويه جوا الاوض عشان نقط المايه تاخد التراب اللي متعلق في الجو تنزله في الارض
* بالنسبة للمطر اللي عتبة بابه اقل من مستوى الارض لاااازم يرفعها او يحط حاجز مايقلش عن ٣٠ سم ، اتاكدو ان بلاعات السطح والمداخل والمزاريب سالكه
نصايح عامة بقا
اشترو كل طلباتكو النهارده انها تكفيكو ٣ ايام عشان لو اضطريتو ماتخرجوش اشترو عيش بزيادة، لوازم فطار وغدا، خضار ، اي ادوية ممكن تحتاجوها
اشحنو الكشافات وخلي عندكو شمع احتياطي
املو مايه عشان لو الكهربا قطعت المايه مش هتطلع الادوار العليا
يا ريت تلزقو مشمع وتدبسوه بدبابيس مكتب كمان علي الشيش من بره عشان نقلل كمية التراب اللي هتدخل البيت
♡♡ وحاجه تانية لوجه الله يا ريت وانتو النهارده بتشترو حاجتكو لو لقيتو بياعين غلابه في الشارع او المحلات عرفوهم عشان يعملو حسابهم ممكن مايبقاش عندهم فكرة
ارفعو ا
