قبل ما تتعاطفوا افهمو القصة بشكل تقني اكتر علشان تعرف هي واخدة ١٠ سنين علي ايه ، هنتكلم كلام مبرمجين شوية معلش علشان نفهم القصة
١- في نوعين من التطبيقات ( تطبيقات تجارية - تطبيقات سيئة السمعة )
- التجارية ديه زي whatsapp telegram insta facebook ubءer careem ... الخ
- سيئة السمعة زي truecaller - whois - likee
لحد هنا زي الفل طيب هو ليه ترو كولر سيء السمعة لانه ببساطه بيبيع الداتا فا هنا سيئة السمعة مش شرط تطبيقات جنسية لا في تطبيقات من الاخر كده حراميه بتستغل المستخدمين
٢- المبرمجين بيعملوا حاجه جميله كده في التطبيقات بتاعتهم اسمها ريفيرال
- باختصار لو انت فاتح اكاونت في اي تطبيق تجاري بتكسب منه او بتشتري منه زي مثلا سوق او امازون ممكن تاخد لينك الريفيرال تبعته لصحابك او تسوقوا للناس علشان يسجلو عن طريقك فا تكسب مثلا من كل عمليه بيع ٥٪ او ١٠٪ او ٢٠٪ لحد هنا دية حاجه اسمها التسويق بالعموله
- الريفيرال ده بيبقي عبار عن كود ، اما الشخص ال هيسجل يحط الكود يدوي او يدخل علي اللينك علي طول فانت تاخد نسبتك تلقائي
٣- التطبيقات بقه سيئة السمعة ( الدعارة ) دية في منها نوعين انتشروا نوع بتفتح التطبيق تطلب واحدة تجيلك البيت حاجه كده زي اوبر وكريم بس بدل ما تجيلك العربية بتجيلك البنت وبتتفق معاها علي الساعه اللي بتكون من اول ٥٠٠ جنيه فيما فوق علي حسب العمر والجنسية والشكل طبعا وبيكون من ضمن الاتفاق خدمات زي مثلا هتقولك انا هاجي لمدة ساعة ٢ شوت + مساج بادي تو بادي او مساج فرعوني ... الخ واي ساعة اضافية بكذه وده بيكون جوه الخدمه ال بتطلبها
٤- التطبيقات التانيه بقه ( دعارة برده ) بس اونلاين بتقولك ايه انت هتدفع ١٠ دولار في صورة كوينات بتكون شاريها من التطبيق وبالمقابل هتقعد معاك ١٠ دقايق مع خدمات زي sex toys او only orgasm ودة بقه تطبيق لايكلي او غيرو من التطبيقات سيئة السمعة طيب النظام بيبقي ايه ؟؟ بص يا باشا في رجاله مهاويس بانهم يتفرجو علي بنات قاعده مبتعملش حاجه وتدلهم كوينات ( اها والله زي ما بقولك كده ) الرجاله ديه بقه لما بتوصل لذروة النشوة الجنسية بيعملوا حاجه اسمها برايفت ريكويست بمقابل عدد من الكوينات فا البنات اللي بتدخل علشان تفتح الايف بس وتكسب ٥ الاف جنيه بتجيلها عروض كتير للبرايفت فا طبعا لو البنت داخله تفتح لايف مش اكتر وتكسب من غير ما تعمل حاجه فا بعد شويه لما يجيلها الافات الدولارات هتبدا تدخل البرايفت لان اصلا التطبيقات ديه معموله علشان كده ... كانها عامله مثلا جزء للبنات ال فاكره انها كده محترمه وبتفتح لايف وهي قاعده وخلاص علشان بعد كده تخليهم مش محترمين ويدخلو البرايفت .. يبقي رجليهم اتجرت للموضوع بشياكه لان لو اتعرض عليهم علي طول يدخلو برايفت مش هيوافقوا لكن احنا كلنا عارفين ساعة الكاش كله بيبقي ببلاش للاسف
٥- ايه بقه علاقه الريفيرال بالتطبيقات وازاي كسبت حنين حسام من الموضوع؟
- باختصار هي عمله اكاونت وجربت وعرفت الموضوع ماشي ازاي فا قالتلك ماشي انا عندي جمهور كبير هروح اقولهم يسجلوا عن طريقي وهما يدخلوا يفتحوا الكاميرا عادي فا يجيلهم كوينات فا اكسب انا من نسبة الكوينات ديه علي طول ماهو المكسب مش هيخلص وفي نفس الوقت انا مقولتلهمش يدخلو رومات البرايفت خالص ده انا قايلالهم بالحجات ... يبقي لو دخلو مثلا ٢٠٠٠ بنت وكل بنت باخد ٢٠٪ من ارباحها وهنعتبر كل واحده كسبت ١٠٠ دولار بس يبقي انا كسبانه وانا نايمه في بيتي ٤٠ الف دولار من غير ماعمل اي حاجه
وهنا بقه القضية علشان بس الناس اللي بتقارنها بالممثلين والناس اللي بترقص والكلام ده ... باختصار هي بتاخد عموله علي بنات بتشتغل في الدعارة يبقي هنا هي ايه؟؟؟ ( قوادة ) وبتضحك علي البنات اللي سنها صغير علشان يفتحو لايف بس لكن الحقيقة هما كده بيشتغلوا في الدعارة يبقي هنا قضية ايه؟؟؟ (اتجار بالبشر)
- لو انت متعاطف معاها فا خلي بالك ان كان ممكن بنتك او اختك او اي حد بريء يقع في المصيدة ديه وطبعا انت مش هتكون فاهم نهائي اللي بيحصل دة موضوع جديد وغريب وكنت هتلاقي بنتك قاعده عادي بلبسها وكل حاجه بس فاتحة الموبايل وطبعا عمرك ما هييجي في بالك ان بنتك بتشتغل في الدعاره تخيل؟؟؟؟؟؟؟؟
فكره بقه حنين حسام كانت عارفه كل ده ول كانت مخدوعة ومش فاهمه لا يا باشا هي فاهمه كويس لان اي واحد بيفتح التطبيقات ديه لمده دقيقتين هيعرف لان ببساطه التطبيق مش عايزك تخرج الا لما تدفع فا بيوضحلك اتجاهاته ايه بالظبط علشان يغريك !!!!
فيديو حنين حسام وهي بتعيط للاسف بيدل انها شيطان في صورة انسان لانها لحد دلوقتي بتحاول تستعطف الناس ؟؟ ماهو للاسف في وسط كل ده الناس فاكره انها اتحبست علشان كانت بترقص .... قبل ما تتعاطفوا مع حد اعرفوا كويس جدا ان مش دايما الحكومه بتشرح الاسباب لاي قضية وبالتفصيل لان الهدف انها تمنع المصايب مش انها تروج وتقول بتتعمل ازاي !!!!
الحاجة اللي تدايق في الموضوع ان الاقي امهات وبنات في الكومنتات بتقول كتير ١٠ سنين انتم سايبين ليلي علوي ويسرا ليه ايه الفرق !!! للاسف انتي كان ممكن تبقي ضحية من غير ما تعرفي او اختك او بنتك فا ارجووووكم حاولوا تقراو كويس وتعرفوا لان عالم الاونلاين فيه بلاوي اقسم بالله تهدم بيوت وتقضي علي امم كاملة فا بلاش السذاجة تعميكم لحد ما تقعوا المصيدة وتندموا وتقولوا مكناش عارفين
الحكومة علشان تمنع التطبيقات ديه عندها حلين اما تمنع سيرفر الاب ستور او جوجل بلي وهنا هتبقى مشكله فا مينفعش الحل ده ، الحل التانى تمنع سيرفر التطبيق نفسه وهنا التطبيقات ديه بتعتمد على حاجة اسمها cloudflare وده بيغير ايبي السيرفر تلقائى والحقيقه المبرمجين بيستخدموه علشان يمنعو الهجمات والاختراق و من ناحية تانيه الحكومات مبتعرفش توقف التطبيقات لانه مش سيرفر واحد هتمنعوا ده بيتغير كل شويه ، من الاخر كده الحكومه متعرفش توقف التطبيق نهائى ولا تعرف تمسك اصحابوا لان معظم التطبيقات ديه اجنبيه …. طيب ليه شركة ابل موافقه وجوجل على التطبيقات؟ لان سياسة الشركات بتمنع فقط التطبيقات الاباحية غير كده لا !!! يعنى لو اتنين عملو سكس فون عن طريق الفيس بوك الذكاء الاصطناعى هيبقي عارف ومع ذلك مش هيدى عقوبات لان الاتنين موافقين وبيعتبرهم اصدقاء فى نفس الوقت لو الاتنين عملو سكس فون لايف على التايم لاين هنا هياخدوا عقوبات نفس الكلام فى التطبيقات التانيه القانون فى امريكا معندوش مشكله وبيعتبر ده نوع من العلاقه الحميمه بين الاتنين اونلاين وبيعتبر الكوينات ديه هداية مش دعارة وديه ثغرات التطبيقات ديه فى امريكا علشان كده ظهر مصطلح " تطبيقات سيئة السمعة "
#حنين حسام
