اكل وشرب غير صحى
في اكل وشرب كتير فاكرين إنه صحي و لذيذ و مغذي
و بندفع فيه فلوس كتير و بنضر بيه نفسنا وأولادنا
تعالوا نعرفوا مع بعض
١ - اللبن المعلب
اي نوع بقي ف السوق ف علب علي الرف ف السوبر ماركت بالشهور وطبعا ده متشال منه دهون مفيده و فيه مواد حافظه و منزوع منه معظم الفيتامينات و سعراته عالية بالنسبه للدايت
ولو عايز #بديل قوي جدا الكالسيوم خد سمسم أو لوز
او طحينة ١٠٠٪سمسم فيها أضعاف الكالسيوم ف اللبن
٢- عصاير معلبة
هي عبارة ببساطة عن مياه بسكر بطعم صناعي
إنت بتشرب مياه بسكر مش اكتر ومفيش اي قيمة غذائية
طيب #الحل خد ثمره فاكهة يوميا اكل مش عصير علشان تستفيد من الألياف
٣ - ذبادو
ده مش ذبادي فيه بكتريا نافعة
ده لبن باودر و مكسبات قوام و طعم صناعي فراولة أو مانجو وطبعا سكر ..ومفيش أي قيمة غذائية ليك
#البديل علبه ذبادي بلدي علي ٥ فراولات و نص كوب لبن بلدي و اضرب ف الخلاط و ممكن سكر
٤ - عسل نحل رخيص
وده الي مغرق السوق ف اي سوبر ماركت عبارة عن مياه بسكر الكيلو ب٥٠ جنيه فيما فوق فى حين ان عسل السدر الجبلي اليمني و الكشميري أغلي من كده بكتييير
#والحل هات نوع نضيف علشان مناعتك وصحتك او بلاش منه
ه- السجق والسوسيس و هوت دوج الجااااااهز
كل ده قرف ولو عرفتم بيتعمل ازاي عمرك ما هتاكل منه اصلا و منظمة الصحة العالمية قالت ان السبب الاساسي ف سرطان القولون لاقدر الله من اللحوم المصنعة
#الحل نعمل سجق علي ايدنا مع جزار نعرفه و نضمن لحمته
و منشتريش جاهز ابدا
٦ - الجبن المحتوي علي دهون نباتية
عباره عن شرش لبن او لبن مجفف عليه مكسبات طعم صناعي و لون صناعي و زيت نخيل ضار جدا غير الاضافات الصناعيه التانيه و من اهم أسباب التوحد عند الاطفال ..وللأسف كل البيتزات بتتعمل بالجبنة دي !!
#البديل اي نوع مكتوب عليه خالي من الدهون النباتية
٧ - السمن النباتي (روابي وجنه والهانم والنخلتين والخ ..)
دي السبب الاساسي ف تصلب الشرايين وارتفاع ضغط الدم والقلب والسمنه المفرطة
لانها مواد صناعية و عبارة عن زيت النخيل المضر بيحولوه من الصوره السائلة الي الصلبة مع اضافة طعم وريحة الذبدة الفلاحي وتحدي..
وللأسف الشديد كل الفطاير والبيتزات بتتعمل بالسمنة دي !!
و #البديل ذبدة بلدي او سمن بلدي او ذبدة جوز الهند او زيت زيتون..
٨ - الكاتشب والمايونير
الكاتشب فيه كمية سكر وملح مخفي كبيرة بتعلي الوزن وتحبس مياه ف الجسم
المايونير كله زيت اصلا الاساس فيه و طبعا سعرات الدهون
٩ كالوري ف كل جرام دهون و تخيل الوزن الي هتزيده
#البديل طحينة ياحبايب قلبي
٩ - العيش او الخبز الي معمول بالدقيق الابيض
ملوش اي قيمة غذائية فقط سعرات عاليه ٣٥٠ سعر حراري ف كل رغيف يعني لو كلت رغيف واحد في فطار والغذاء والعشا يبقي ١٠٥٠ سعر حراري يعني نص سعراتك الحراريه تقريبا الي المفروض تدخل جسمك إنت أخدت بيها دقيق أبيض
#والبديل عيش شوفان او العيش الأسمر اللي داخل فيه ردة..
طب والأسهل من كل ده حاول ماتكلش برة الا لو مضطر وغصب عنك ..غير كده ياريت تحافظوا علي صحتكم..
......تمنياتي لكم جميعآ بالصحة والعافية.....
