البيتزا محشية الاطراف بالموتزريلا🍕🍕🍕
مكونات العجينة
😋😋😋
1كيلو دقيق
1معلقة كبيرة خميرة
1معلقة كبيرة سكر
1معلقة كبيرة خل
1معلقة صغيرة بيكنج بودر
3معلقة كبيرة لبن بودرة
2بيضة او ببضة واحدة وممكن نستغني عنهم دي اضافة قيمة غذائية
2معلقة كبيرة زبدة وممكن نستبدلها 🤔ب ٤/١كوب زيت نباتي او زيت زيتون حسب الرغبة
٢/١معلقة صغيرة ملح
ماء دافئ للعجن
مكونات صوص الطماطم😋😋
طماطم مقطعة مكعبات صغيرة
2معلقة كبيرة كاتشب
معلقة كبيرة ثوم مفروم
2معلقة كبيرة زيت
ملح وفلفل
جبنة موتزريلا
جبنة رومي
بسطرمة او سجق او لحمة مفرومة او فراخ شاورما حسب الرغبة
الطريقة😍😍
ننخل الدقيق في بولة ونضيف عليه الخميرة والسكر واللبن البودرة والبيكنج بودر والملح والبيضة مضاف لها معلقة الخل ونقلب كل المكونات دي مع بعضها كويس ونبتدي نضيف الماء الدافي تدريجيا واول ما تلم معانا نضيف الزبدة او الزيت ونعجن لغاية ما تتكون عجينة طرية وناعمة جدا ومدة العجن ما تقل عن 10 دقايق
ونسيبها تخمر لمدة ساعة او لغاية ما يتضاعف حجمها
وبعدين ناخدها ونقسمها كرات حسب الصواني المتاحة عندنا ونسيبها ترتاح 5 دقايق
وندهن الصنية دهنة من الزيت ونبتدي نفرد فيها كرة من العجين علي شكل الصنية ونرفع الجوانب شوية عشان نحشيها جبنة موتزريلا ونضيف الجبنة للاطراف اللي رفعناها ونبرمها وبالمقص نقسمها مابين كل 3سم نعمل قطع حنشكل زي فطاير صغيرة نلفها بشل متوازي لسور الصنية 🤔الصورة موضحاها وبعدين نخرمها بشوكة علي كل سطحها عشان ما ترتفعش ف الفرن وبعدين نضيف صوص الطماطم وشرط انه يكون بارد ونفرده عالوش ونبتدي نضيف التوبينج المتاح وعليه تشكيلة الجبن
ملحوظة👍👍🏻👍🏼👍🏽👍🏾👍🏿
ممكن ندهن الفطاير اللي حشناها بصفار بيض عليه نقطتين خل
او رشة بودرة زعفران عليه نقطتين ماء وده اللي عطيها اللون الاصفر اللي ف الصور
وندخلها فرن ساخن جدا علي الرف الاوسط ولو الفرن متسخن كويس مش بتاخد اكتر من 10 دقايق عشان ما تنشفش
وصحة وعافية
